U.S Sipuaizi Tahnak (3)
U.S cu vawleicung ramtha bik a si bantukin an ram thanchoning tahnak hi phun tampi aum. Cu an hman mi lakah abiapi bik tiah ka ruahmi (3) kan zoh
hna lai.
1. GDP (gross domestic product) cu zeidah
asi?
GDP cu ram
pakhat nih caan khat chung ah ramleng ah thil a zuarmi dihlak in hmuhmi a si.
An tuakning
GDP = C + I + G + X – M
C = consumer
expenditure (thil hmangtu nih an dihmi)
I = investment
expenditure (thil chuahnak caah a herhmi a tangka hram)
X = total
exports ( ramdang ah an kuatmi dihlak)
M = total
Imports ( ramdang in thil a lutmi/an cawkmi dihlak)
Hi a cung
lei tuakning (equation) nih hin net exports a langh ter. Ram pakhat nih ramdang
ah thil a zuarmi in a hmuhmi dihlak kha, ramdang sinin thil a cawkmi dih lak in
an zuh tikah net GDP a chuak. GDP hi thlakhat voikhat(monthly), thlathum voikhat(quarterly),
kumkhat voikhat (annually) tiin a cozoh nih an thanh tawn.
A luan cia Kum 5 Chung U.S le China
GDP
|
Year |
U.S.A (Trillion) |
China (Trillion) |
Growth Rate% |
Growth rate% |
|
2022 |
25.46 |
18.1 |
2.1 |
2.99 |
|
2021 |
23.32 |
17.73 |
5.9 |
8.45 |
|
2020 |
21.06 |
14.69 |
-2.8 |
2.24 |
|
2019 |
21.38 |
14.28 |
2.3 |
5.95 |
|
2018 |
20.53 |
13.89 |
2.9 |
6.7 |
2021-2022
kar ah US GDP cu 2.14 trillion a thang I, China cu 0.37 trillion a thang. A
luancia kum 10 leng pi china nih a kan lonh peng nain nikum cu kan van tei kho
ve.
Recessions
(Sipuaizi cimh) cu zeidah a si?
Recessions
cu ram pakhat a chawlehnak, faktukin a tlakmi khi a si. Cucu GDP in an zoh. Quarterly
GDP thla thum voikhat a chuakmi kha aa peh peh in voihnih (thlaruk chung)
negative a si ah cun recessions kan phan ti a si.
2. Inflation (tangka man) cu zeidah a si?
Inflation cu
tangka man a si. Tangka man a tlak ah cun inflation a kai tinak asi(tangka
thlen kha chim duhmi asi lo), a tum ah cun deflation an ti. Phundang in chim ah
cun thilman kai cu inflation asi i, thilman tum cu deflation asi. Inflation
tahnak cu CPI a si.
CPI = consumer
price index
CPI hi
thlakhat voikhat in result a chuak. Ram pakhat ningcang te in a kal ah cun CPI a
karh ning hi 1-2 % a si ah cun a poi lo, a phung asi ko tiah ruah asi.3% cung a
kai ah cun control a hau cang. June, 2022 U.S CPI cu 9.1% a si caah federal
reserve nih heh tiah control an I zuam i, a tu ca ka tial thla June 13, 2023 ah May CPI data a chuak lai i, zeidek a lawh lai. Kan hnung April thla CPI cu 4.9% asi.
Kum khat chung ah 4.2% an thumh khawh tinak a si. Rampi sipuaizi a that lo ah
cun ningcang loin CPI a kai theu caah tih a nung. Ram sipuaizi a that tuk zong
ah a kai theu fawn caah tih a nung thiamthiam.
3. PPI = Producer Price Index (thilri
man) cu zei dah a si?
PPI cu
thilri pakhat sernak caah a herhmi thilri man asi. A tu kan vawlei pi cu, chawlehthal nak ah kan I pehtlaidih. Global supply chain an ti i, thil pakhat an ser tikah hmunkhat ah a zeilezong ser siloin, hmun dangdang in a thilri (part) tete rak ser cio asi. Tahchunhnak ah; apple nih Iphone pakhat sernak ah
thilri tampi china ah a ser. Culioah ruahlopin china ah chip man hna kai tuk
sehlaw PPI a kai hnga tinak a si. Hi bantukin thil herhhai ramdang ah an cawk tawnmi
kha a man a kai ah cun, thilsernak caah a dihmi tangka a tam deuh caah thilman kai
ve a hau. Thilman a kai ah cun CPI a kai. CPI a kai ah cun inflation a kai tinak
asi (tangka man a tum tinak). Ram pakhat ah tangka man a tum, thilman a kai tik
ah ramdang ah thil a zuar khawhmi nakin, ramdang sinin a cawkmi tu a tam deuh tawn.
Ramdang ah a zuarmi(exports) kha ramdang in a cawkmi (imports) nakin a tlawm deuh
ah cun GDP a sung lei (negative) a phan. Tangka thlen rate zong nih hin
indirect in PPI a hnursuan kho ve.
Cu caah hi
vial pathum hi ram pakhat thanchoning tahnak caah a biapi ngaingai mi le
control a har ngaingai mi an si. A tu lio ah Covid le Putin ruang ah hi a cung
lei buainak phun thum hi ramkip nih an ton cuahmah lio mi an si. U.S cu kan
system a that hlei ah Fed Chairperson Jerome Powell hi experience tampi a
ngeimi le a thiam ngaimi a si caah EU le ramdang hna sin ah cun kan dirhmun a
tha cem lei ah kan dir.
Ka ca na ka
rel piak caah kaa lawm. Midang nih theih tlak ah na ruah ah cun share in ka
bawm ve.
Relchap...
US ram president an i thim ning
2023 chungah interest rate a tum lai maw