Many Paquiao Tuanbia Tawi
Many Pacquiao cu Ramsifak taktak asi mi Philippine ram ah Dec 17, 1978 ah a chuak, u nau 5 a ngei I Saavedra Saway Elementary School in General Santos City ah siangin a kai.
A hngak chiat lio ah hin an har tuk ruang ah rawl ei ding hmanh ah hin lungrethei an rak si I ti tu hi tampi’n an din ti a si. Kum nga a si hin nga tlaih rian a rak tuan thok cang i aa velh hma sa bik (velh tak tak) cu a hngak chia hawi nih an sifahning lengin an serhsat hna ruang ah a si. Bruce lee Kungfu movie a zoh hnu in hibantuk I thongh le thiamnak hi upat le duh hram aa thok. Cuticun an in pawngah a um mi banhlakung le thingkung hna kha Bruce lee nawl I cawn in heh tiah a thongh a chuih I nitin a mah te’n a cinh peng ti a si. Asinain amah cu taksa ngei lo miderte a si. Sihmanhsehlaw Aa ruah chih peng mi cu keimah cu ka ngan lo(taksa ka ngei lo) nain lungthin tu hi thawn nak hrampi taktak cu a si tihi a si.( I am not very big, but determination is a power tool). Kum 12 a si ah hin a pu Sardo timi pa boxing a thiam ve lo a cawng bal fawn lo mi nih hin Boxing a rak chimh tawn. A pu nih hin Pacquiao lungthin le a pumrua a zoh tik ah a zaang a fak ngaingai ti a si. Asinain Pacquiao cu zingka 4 Am hin a tho peng I exercise a la, a tli peng, cun a kut ah hin caku le puanchia pawl hi aa hruk I thongh a cinh tawn ti a si. Chun ah hin a pu intual ah nilin lak ah ar le vok lak ah a rak cinh tawn I aa seh chihmi cu training a fawi tuk minih result tha a chuahpi bal lo ti hi asi. A nu nih a duh piakmi cu Pathian riantaun asinain Pacquiao nih cun kan chungkhar thancho nak caah kaa thongh a herh ko tiah aa sehchih peng. Cucaah a pu Sardo inn ah aa thial I caantling(fulltime) in boxing a cawng. An pu fa cun a pu nih Tv hlun ngai a ngeih mi VCR timi ah Boxing an zoh I hehtiah an cawng ti asi.(Tv kha an saya ngaingai cu a si) Paquiao cu a pum lawng siloin a lungthin zong a sikhawh chungin thancho ter aa zuam. Chess kah le Piano tum zong hi a mah tein a cawng I a thiam khawh. Carel a zuam ngai mi asi, a hmuhmi pauh hi a rel dih, a ih phah I caa tiangin a rel dih ti a si. Kum hleili a si ah siangin kai aa ngol I a chungkhar caah rian tuan tu aa tim.
Aa sehchih mi cu nunnak timi cu zuamcawhnak le har nak ral a do mi kan si I cu zuam cawhnak le harnak hna cu kan thancho nak ding ah bawmtu an si ti hi asi. Cuticun a nu theihlo in (a nu cu a dawt tuk ko nain a ka thloh suallai ti a phan caah a si) an ram khualipi asi mi Manila ah boxing cawn le rian tuan dingin kum 14 a si ah aa thawh. Manila a phak ka ahcun thingkung tang hna ah a riak I Gym hna ah a riak tawn ti a si. Cuticun duhsah tein a hmuhmi rian pauh tuan in boxing cu a cawng pah. Kumhnih a rauh hnu kum 16 asi ah boxing innpi chungah midang he I thongh nak caan a hun hmu khawh ve I cu ahcun a tung 4’ 11” le a khing lb 98 lawng a rak si, puai luh khawh nak ding ah a kum zong hi upa deuh in a rak I chim I a pum rih deuhnak ding ah thir hna a thli ten aa zaal ah aa sanh ti a si. Puai khat thongh ah $2 a rak hmu. Sihmanhsehlaw a tu cu aa zuam nak thawng le a biakmi Pathian thawng in puaikhat thongh ah millions $60 hrawng hi a hmuh cang ti asi. vawlei tuanbia ah a um ballo mi pound a dangmi (different weight division) ah world title vawi 8 a ngah tu asi. A hngakchiat lio si ning kha philh lo tein a ram caah sizung, siangin le inn le lo a thancho khawh nak ding ah biatak tein rian a tuan. Feb, 2007 ah high school camipuai a phi I a awng, fim cawnnak lam cu a peh I Feb 18,2009 ah the Honorary Degree of Doctor of Humanities a ngah I a tuah cun an ram ah MP (member of parliament) asi cang.
References;
http://mannypacfanpage.blogspot.com/2011/06/do-you-know-educational-background-of.html
Life story FB page