U.S ram President an I thimning hi kanmah laimi chimlo, an mah rami lila zong nih a fiang lo an tampi caah a caan lio teah van zoh ta u sih.
President caah vote an pekning
le an relning
1, Popular vote (Mipi nih pekmi)
2. Electoral college (Senate le
house palai /nih pekmi)
Vote an relning kan zoh hlan ah
cozah an um serning van zoh ta u sih.
US ramah hin Senate 100, House of
representative 435, le ( District of Columbia or Washington D.C ai awh in 3) an um I
an dihlak fonh Palai 538 an umhi congress tiah kan ti tawnmi kha an si.( kawlram nih MP=member of parliament
(hluat ttaw) kan timi he khin ani lo)
Senate timi hi state pakhat nih
palai 2 cio an ngeih I kum 6 ah voikhat thimnak tuah a si. House of representative
timi hi State pakhat cio, an milu tuak in an ngeih zat aa dang cio. Tahchunhnak ah
Indiana state nih palai 11 an ngeih lioah, California nih palai 55 an ngeih.House
of representative hi kumhnih ah voikhat thim an si.
A siahcun vote relning van zoh
cang u sih.
Popular vote timi Mipi nih an pekmi
hi state pakhat le pakhat an fonh lo. Tahchunhnakah Indiana state ah minung 100
nih vote an thlak i cu chungah (60) nih A an pek, (40) nih B an pek i, A nih a tei ti ko
u sih. Zoh u law a teinak cu (20) telawng a siko nain vote an rel ning ah cun B
nih 0 a hmuh i A nih khin Indiana nih a ngeihmi Palai (11) khi aa co dih I vote
11 a hmu ti nak asi.
A fiandeuhnka ah pakhat in kan chimrih
hmanh lai
Hi lio ah hin California ah minung
1000 nih vote an rak pek ve.(499) nih A an pek, (501) nih B an pek caah, B nih a
tei. Cucaah B nih Califoria nih a ngeihmi palai (electoral) kan timi 55 khi a co
dih ve caah vote (55) a hmuh ve. State
pahih fonh ah cun A nih (11) a hmuh i B nih (55) a hmuh caah B nih a tei tinak asi. Hiti ning hin State 50 dihlak i an vote mi kha rel asi. Electoral
college kan timi (538) chung ah hnarcheu nak tam (270) ahmu mi nih tei asi tiah
tuak a si. Asinain official in a si rih lo. President thimnak taktak cu hitihin
a phi a chuah hnu thlakhat maw thlakhat le a cheu hnu hrawng ah khin State cio i an palai kan timi minung (538) nih hin Washington D.C ah vote an thlak than lai i,cu ahcun vote (270) a hmumi kha official in president an si te lai. Cucaah thimnak
a dih bakah teinak a hmumi zong hi President tlin lo khawh a si ko. Asinain thimnak ah teinak a hmumi hi president
an tling ko lai ti hi 90% cu a fiang ko, a ruang cu state palai hna a thimtu
kha president a thimtu U.S mipi thiamthiam an si caah asi.
Cu ti a siah Popular vote (Mipi vote)
cu san a tlai kun maw?
2016 lio President Trump le Hillary Clinton an I cuh lioah popular vote ah Clinton nih 2,868,691 in a tei. Trump nih popular vote 46.42% a hmuh I Clinton nih 48.5% a hmuh nain Trump kha president a thling. Cucaah cun mipi vote hi san a tlai ko nain a tha a thawng tuk lo. Asinain kum 2000 lio thimnak van zoh ta rih u sih. President Bush le Al Gore an I cuh lio ah hin tluk letmat te an si. Abiapi bik mee hmun a tang mi cu Florida state asi. Hi lio zongah hin Rampi Popular vote ah cun Al Gore nih a tei ko nain a donghnak Florida state ah popular vote (537) tein Bush nih a tei caah Florida nih a ngeihmi electoral vote 25 kha a co. Florida in electoral vote 25 a hmuh caah electoral college 271 a phan I mipi nih an uar ngaimi Al Core cu lungfak taktak in 266 ah a tang thup ko. Cucaah a tawinak in chimah cun Popular vote kan timi, mipi vote hi state caah cun a biapi tuk nain rampi caah cun a biapi tuk lo. California minung 1000 nih vote an thlakmi le Indiana minung 100 nih vote an thlakmi kha a thazaang aa tluk ko tinak asi. California vote 499 a sungmi nakin Indiana vote 60 teinak a hmumi kha a thazaang a thawng deuh tinak asi.