July 29-30, 2025 ah federal reserve meeting an tuah dingmi ah interest rate an thum lai maw ti hi mipinih cuanh cio asi.
Nizan july 15, 2025 CPI report cu 2.7% a si i kan hnu thla
nakin .3 a sang deuh caah a tu tla meeting ah Fed nih rate an thum rih lai lo
tiah ka ruah.
Aug 01, 2025 ah tariff
deal kan cozah nih an thawn hoi caah kan ram hmailei kong ruahchung a har. EU,
Mexico, le Canada ram pawl ah tariff 30% hna kan lak taktak ah cun a tu kum
chung ah rate thumh khawh a si lai lo. Tariff 15% hrawng hna in deal an tuah
khawh ah cun kan kal pi khawh men ko lai.10% hna ah kan tlak khawh ah cun ka
tha ko lai. Aug 01, 2025 ah biafiang um lo in deal kan thawn than bel ah cun lu
i domh rih kan hau ko hnga.
Aug 12, 2025 ah July CPI report a chuak than ding a si caah mah report a chuah hlan ah rate an thumh ngam lai ka zum lo. July CPI 2.7 tang asi ah cun september ah tlawm pal an thumh ka zumh. August CPI 2.4 tang a si i tariff kong ah biafiang a um ah cun, tu kum chung ah voihnih cu rate an thumh ka zumh. Tariff kong ah biafiang a um lo bel ah cun Fed caah khua tuaktan awk a har ngaingai lai.
Trump nih interest rate
hi 1% a si cang ding a si. A tu bak ah 3% an thumh awk asi tibantukin social
media ah a post len. Fed Chairman Jerome Powell cu mihrut a si, a ho nih dah
mah rian hi a khinh hnga, Biden mi hrut nih aa tuan ter peng rih tiah a soisel
len. Fed Chairman cu A mah Trump nih 2017 ah a rak nominate i February 05, 2018
ah rian tuan hram a thok mi a rak si. Mah kong ah Trump bia chim pawl zoh tik
ah a tar cang ti aa thei ngai ngai.
A tu lio ah interest rate
tum ter nak ding ah kan ram thil umtu ning nih a sersiam kho deuh rih lo caah
lung sau in kan hngah a hau ko rih. Big beautiful bill zong cu an passed cang
caah kan ram dirhmun a chia ngaingai. Techin fapar tiang ca in hei tuak ah cun
Communist uknak lam kan panh cuahmah in a langh caah tha a chia
ngaingai.Asinain BBB hi a tam deuh cu 2028 catiang lawng a si caah a cozah thar
nih an thah te men lai tiah ruahchannak tlawm te a tang. Asinain ram mipi nih
kan lam pi kha an i ziak cang lai caah thilfawi cu a si lai lo.
BBB an passed cang caah
US cozah nih tangka a za in hmanding an ngeih nak dingah, tariff hi a a
biapi bik pahnihnak a hawng si. Ramdang thil lut in tariff tampi kan lak lo ah
cun US cozah cu bankrupt ding a si caah a si kho chung in kan cozah nih tariff
lak an i zuam lai. Kan innpa Canada le Mexico koko hmanh hi 30% lak aduh
taktak ko hna lai. EU lei he Innpa he a tlawm bik 10% tal cu an lak te hrimhrim
hna lai tiah ka ruah. An lak hna lai ti nak hmanh in a herh mi dirhmun ah kan
phan.
A tu kan ram dirhmun ah
interest tum ter nak dingah sign pakhat hmanh a um rih lo. President Trump nih rate thum
uh tiah a au peng mi lawng hi sign a um caah a mah hnangamnak ah .25 hrawng te
an thumh ah cun an thumh lai. Cu zong cu an tuah lai ka zum fawn lo. Rate tum
seh ti cu mizei poh nih duh cio a sinain, a caan a zat hlan ah rate kan thumh
ah cun recession ah kan tla lai caah ralrin kan herh ti cu fed nih an fiang
tuk.