Khrihfa ciocio ah Roman Catholic le Protestant
pawl hi kan Bible ngeihmi aa zah lo caah, hmuhton mi tete duhsahten hun tial ka
duh. Baikam thar cu Bible uk 27 kan ngei veve nain, Biakam hlun hi Protestant
nih uk 39 kan ngei i Roman Catholic nih an ngeih zat hi a fiang lo. Mi a cheu le
source a cheu zong hi an i khat cio hna lo hlei ah an mah Roman catholic
khrihfabu member hrimhrim ah hin a thei setset he kaa tongkheng bal lo. Uk 14 an
ngei a tina,(Apocrypa uk 14 hna hi cu BC chung lawng siloin AD a phanh tiang
an chapmi asi, tiah zumhnak a um. Hi Cauk 14 chapmi cu Roman Catholic khrihfabu
nih kan baibal an timi asi tiah Kan Pa Dr. Hre kio nih Miphun damnak timi cauk
p30 ah a tial), Uk 7 an ngei a tina,(penn book center nih cun Hi hna hi RC nih
a hlei in an ngeihmi hna cu ansi a ti. Hi hlei ah hin Ester le Daniel zong an
um rih an ti.
1.Tobit
2. Judith
3.Wisdom (also called wisdom of Solomon)
4.Sirach (also Called Ecclesiasticus)
5. Baruch
6. 1 Maccabees
7. 2 Maccabees.
Keimah Pumpak nih Hakha ka um lioah Roman
Catholic Bible rel ka duhning kha an saya pa ka chimh i, Kawlca in tialmi cauk
pakhat a ka pek, mah hi kan Bible cu asi ati. Zarhhnih kaa hlan i ka rel dih. A
cauk hramthawk ah Mah cathiang hi Khrihfabu dang nihcun cathaing ah an
cohlang lo nain, kan nih Roman Catholic nih cun cathiang a tling ko tiah kan zumh
caah cathiang ah kan cohlan tiah an tial. (Kawlca asi caah ka lehning tlawmte
aa dang kho)
Achung ummi hi ka rak relduh tuk caah kum 16 hrawng a rau cang nain kaa cin kho pah rih. A tangah ka tial lai, cafang kapalh
lai caah a ka chimkho nih ka remh te sawh uh. Pakhatnak hi; Toebih le Toebiyah
hi pafa an si i a ho deuh a pa a si ka thei ti lo. cun 7 le 8 hi khoika dah uk
khat nak le uk hnik nak in a um ti kha ka fiang ti lo caah ka palh khawh.
1. တိုးဘိယ (toebiyah cu minung min a si
i pafa tuanbia asi)
2. ယုဒိသန် (Judah miphun hna tuanbia
asi)
3. အက်စတာ (Kan Bible ah a ummi Ester tuan
bia a si)
4. ပညာပါရမီကျမ်း (Phungthlukbia bantuk
asi)
5. နီတိဒေသနာကျမ်း ( Phungchimtu Bantu
kasi)
ကမ်ဘောဇဟောစာတမ် (Kambawzah nih a chimmi bia an si)
6. မက်ခာဘီ သမိုင်း 1 (Mekkhabi tuanbia phun asi)
7. မက်ခာဘီ သမိုင်း 2
Kawl ca (6-8) hi aa thawnh ding an
si nain ka thawnh khawh hna lo. Hi cauk hi ka hawi le cheukhat nih, Bible a hlei
in kan ngeih mi asi lo. Kan Bible cu mi sawhsawh nih rel a ngah lo, ziah tiahcun Cunglei kan saya
tenih a sullam a tlau sual lai anti i, holh dangin an let lo. Hebrew lawngin a
um an ka ti caah ka khuaruah cu a har pah. Asi nain a cunglei ah Penn book center
nih an langhter mi uk 7 le Kawlca in ka relmi Uk 8 hi an nih Ester an telh lo
caah i khah dawh asi, cun a cauk min an tialmi zong hi 5nak ti lo cu an i khat fawn. Cun Roman Catholic Pastor pa nih Toebiyah kong hi a
sermon ka theih bal fawn caah, an bible a si ko lai tiah ka zumh.
Bible Hlun aa Thenning
AD 70 ah Rome ralkap nih Jerusalem khua cu an hrawh dih i, Jerusalem in meng 70 chungah Judah mi luh, an rak kham ruangah, Judah mi Biaknak upa pawl cu, an biaknak kongah an lungre a thei. AD 90 ah Jamia khua ah ani tong i, Hihi kan bible siseh law hi lengin beet khawh, zuh khawh sihlahseh tiah an rak fehter. Asinain Kan Bible hi Biakamthar zong ahnu ah hun chap a si, RC zong nih biakamthar hlei ah uk 8 an hun i chap chin tikah hin, an nih an hman, an nih an palh, i ti awk kan tha hnga lo. Cun Lawmhawk ngai ah ka ruahmi cu Kan Unau RC nih Bible a hlei in an hman mi le kannih nih kan hmanmi Bible hi aa kalhnak le aa dohnak ka hmu lo(ka relmi hi an Bibel a siahcun). A kalhnak zong a um hrimhrim lai lo. Zeicahtiah aa kalh ah cun khrihfabu vialte nih hin a hman deuhmi kha kan hman a hau hnga.
Bible an rak fehter lio ah hin Ester
hi an rak zoh tikah Pathian min le Amah auhnak min pipa a langh lo caah Bible ah an rak
telh lo ti asi. Kum 1947-1952 kar hrawngah Qumran nelrawn Rilithi pawng lungkua
chungah Bible cathiang an hmuh i, cucu “Dead Sea Scrolls”(rili thi casual) an
ti tawnmi kha asi. Cu an hmuhmi Bible hlun ah cun Ester cauk dah tilo cu atu
kan hmanmi uk 38 hi a tling dih ti asi.
Biakam Thar cauk hi cu AD 200 hrawng khan thawngtha pali hi komhin Khrihfabu nih hman asi cang, AD270 ah cun paul cakuat he komhchih an si. Cun AD 363 ah Laodicea council pumhnak ah le AD 397 i Carthage council pumhnak ah khrihfabu hruaitu (Bishops)hna nih biakkam thar cauk hi an rak fehter nain Biathlam bel hi a rak i tel rih lo. (miphun damnak P31) kan cathing hi chankhat hnu chankhat an tialthan lengmang caah a hlun deuh hmuh mi poh hi a hman deuh tiah ruah a si i, John 18:31-33 le 37-38 hna hi a hmasa bik Bible cathiang i rawk loin hmuh mi asi i, AD 150 hrawngah an tial mi asi lai tiah zumh mi cacaang asi.
Khuaruahhar Bible
Salm 118 is kan Bible a ngan hna lak ah a lai pacer te asi.
Salm 117 hi kan Bible angan lak ah a tawi bik asi.
Salm 119 hi sau bik a si ve.
Salm 118 hlan ah angan 594 a um u salm 118 hnu ah 594 a um ve.
Salm 118 rel chih loin adang pohpoh na fonh ahcun angan 1188 asi.
Salm 118:8 cu kan bible cang dihlak i a lai pacer te asi.
Van rel tuah u sih: Minung i bachan nakcun Bawipa i bochan cu a tha deuh.
note; mah hi mirang Bible hmangin mirang nih an tialmi asi i source ka laknak ka thlau cang.
Kanfa ke thinlung sersiam u sih